සෞඛ්ය සම්පන්න පුද්ගලයින් හිතාමතාම COVID-19 ආසාදනය කරන ලද්දේ ඇයි?
ලන්ඩනයේ ඉම්පීරියල් කොලේජ් හි පර්යේෂකයන් විසින් විශේෂයෙන් ස්වේච්ඡා නිරෝගී පුද්ගලයින් SARS-CoV-2 (Covid-19) ආසාදනය කරන ලදී. එයට හේතුව විශේෂයෙන් SARS-CoV-2 (Covid-19) පිලිබඳ කරන ලද පරීක්ෂණ මාලාවකි. එහිදී නිරෝගී පුද්ගලයින්ගේ කුඩා මැනිය හැකි සංජානන වෙනස්කම් එනම් සවිඥානික බුද්ධිමය ක්‍රියාකාරකම් (සිතීම, තර්ක කිරීම හෝ මතක තබා ගැනීම වැනි) සොයා ගන්නා ලදී. අධ්‍යයන ප්රතිඵල eClinicalMedicine සඟරාවේ ප්‍රකාශයට පත් කරන ලදී..
ආසාදිත ස්වේච්ඡා පුද්ගලයින් ආසාදනය නොවූ අයට සාපේක්ෂව සිතීම, තර්ක කිරීම හෝ මතක තබා ගැනීම වැනි ක්රියාකාරිත්වයේ සියුම් වෙනස්කම් පෙන්නුම් කරන බව අධ්‍යයනයෙන් සොයාගත් අතර . මානසික ක්‍රියාවලීන්හි සියුම් වෙනස්කම් හඳුනා ගැනීමට හැකි වූයේ අතිශය සංවේදී සංජානන පරීක්ෂණ මගිනි. කෙසේ වෙතත්, ප්රතිඵල සෞඛ්ය සම්පන්න පුද්ගලයන් සඳහා සාමාන්‍යය පරාසය තුළ පවතී.
මෙම අධ්යයනය සඳහා අතිශයින් පාලනය කරනු ලබන ආසාදන ක්‍රමයක් භාවිතා කරන ලදී. අත්හදා බැලීම අතරතුර, සෞඛ්ය සම්පන්න ස්වේච්ඡා නිරෝගී පුද්ගලයින් 36 දෙනෙකුට සායනික පසුබිමක SARS-CoV-2 ආසාදනය වූ අතර, සහභාගිවන්නන් තවදුරටත් ආසාදනය නොවන තෙක් සමීපව නිරීක්ෂණය කරන ලදී. සංජානන හැකියාව පරීක්ෂා කිරීම ආසාදනයට පෙර, අසනීප වූ විට සහ වසරකට පසුව Cognitron Platform (අධ්‍යාපන ආයතන සඳහා එක් වේදිකාවක්වේ) භාවිතයෙන් සිදු කරන ලදී.
විශ්ලේෂණයෙන් පෙන්නුම් කළේ ආසාදිත ස්වේච්ඡා පුද්ගලයින්හට ඔවුන්ගේ මූලික දත්ත හා සසඳන විට සංජානන පරීක්ෂණවල අඩු ලකුණු ඇති බවයි. මතකය, අවධානය සහ ගැටළු විසඳීම සම්බන්ධ කාර්යයන්හි ප්‍රධාන වෙනස්කම් මතු විය. මෙම වෙනස්කම් අසනීප කාලය තුළ සහ ඉන් වසරකට පසු ද වාර්තා විය.
කණ්ඩායම් අතර ඇති වෙනස්කම් සංඛ්‍යානමය වශයෙන් වැදගත් වුවද, ඒවා කුඩා මට්ටමක පැවති අතර, සහභාගිවන්නන් කිසිවෙක් දිගුකාලීන සංජානන ගැටළු වාර්තා කළේ නැත.
අනාගතයේ දී, සංජානන ක්රියාකාරිත්වයේ වෙනස්කම් සමඟ ශ්වසන ආසාදන සම්බන්ධ කරන ජීව විද්යාත්මක යාන්ත්රණ අධ්යයනය කිරීමට විද්යාඥයින් සැලසුම් කරයි. මෙම අධ්‍යයනයන් මගින් ඉන්ෆ්ලුවෙන්සා හෝ ශ්වසන මාර්ගය ආශ්‍රිත ආසාදන වෛරස වැනි අනෙකුත් බෝවන රෝගවල දිගුකාලීන බලපෑම් පිළිබඳවද අනාවරණය කළ හැක.
- eClinicalMedicine සඟරාව.
